Aston Villa Joao Gomesni tarkibiga qo'shib oldi
Aston Villa klubi yangi mavsum oldidan tarkibni kuchaytirish ishlarini davom ettirmoqda. Jamoa yarim himoyachisi Amadu Onananing JChdagi jiddiy tizzasidan olgan jarohati Unai Emerini zudlik bilan chora ko'rishga majbur qildi. Natijada klub Vulverxempton yarim himoyachisi Joao Gomesni o'z safiga qo'shib olishga qaror qildi.
Tomonlar o'rtasidagi kelishuv qiymati 38 million funt sterlingni tashkil etdi. Braziliyalik iqtidorli futbolchi o'zining chidamliligi va maydon markazidagi kurashlarga boy o'yini bilan tanilgan. Uning Villa tarkibiga qo'shilishi Unai Emeri jamoasi uchun muhim transfer hisoblanadi.
Joao Gomes o'tgan davr mobaynida Premer-ligada o'zini yaxshi ko'rsata oldi va endilikda Yevrokuboklar uchun kurashayotgan Aston Villa safida mahoratini namoyish etishi kutilmoqda. Bu transfer nafaqat yo'qotilgan futbolchining o'rnini to'ldiradi, balki jamoa markaziy chizig'idagi raqobatni ham oshiradi.
Ushbu transfer jamoaning asosiy tayanch yarim himoyachisi jarohat olgan pallada tarkib balansini saqlab qolish va Yevropa musobaqalari uchun kuchli zaxira yaratishga xizmat qiladi.