Chelsi Morgan Rojers uchun rekord darajadagi taklifni tasdiqlatdi

Transfer bozorida shov-shuvli voqea yuz berdi. Angliyaning Chelsi klubi Aston Villa iqtidorli hujumchisi Morgan Rojersni o'z safiga qo'shib olish uchun 117 million funt sterling to'lashga rozi bo'ldi. Ushbu summa Britaniya futboli tarixidagi mutlaq rekord hisoblanadi va futbol olamida katta rezonans keltirib chiqardi.

E'tiborli tomoni shundaki, Rojers uchun Londonning boshqa bir klubi - Arsenal ham jiddiy kurash olib borayotgan edi. "Kanonirlar" uni o'z loyihalarining asosiy maqsadi deb bilishgan, biroq "aristokratlar"ning moliyaviy imkoniyatlari va qat'iyati raqiblarini ortda qoldirishga yordam berdi.

Aston Villa rahbariyati ushbu ulkan taklifni qabul qilib, o'z yetakchisini qo'yib yuborishga rozilik bildirdi. Endilikda barcha e'tibor futbolchining shaxsiy shartnomasi shartlariga qaratilgan.

Ushbu transfer Chelsi jamoasining kelajakdagi tarkibini shakllantirishdagi strategik qadam sifatida baholanmoqda. Rojersning kelishi londonliklar hujum chizig'ini sezilarli darajada kuchaytirishi kutilmoqda. Endi futbolchi tibbiy ko'rikdan o'tib, rasmiy shartnomaga imzo chekishi qolmoqda.