Fil Foden «Manchester Siti» bilan shartnomasini uzaytirdi

«Manchester Siti» o'zining asosiy yulduzlaridan biri Fil Foden bilan hamkorlikni uzoq muddatga uzaytirdi. Klub rasmiy sayti orqali ma'lum qilishicha, 24 yoshli yarim himoyachi «shaharliklar» safida 2030-yilga qadar qoladigan bo'ldi. Bu yangilik klub muxlislari tomonidan katta mamnuniyat bilan kutib olindi.

Foden «Siti» akademiyasining tarbiyalanuvchisi hisoblanib, Pep Gvardiola qo'l ostida dunyoning eng kuchli futbolchilaridan biriga aylandi. O'tgan mavsumda u Premer-liganing eng yaxshi futbolchisi deb topilgandi. Yangi shartnoma futbolchining nafaqat bugungi kundagi, balki kelajakdagi ahamiyatini ham ko'rsatib turibdi.

«Manchester Siti» rahbariyati Fodenni jamoaning kelajak sardori va o'yin uslubining markaziy figurasi sifatida ko'rmoqda. Garchi transfer bozorida qiziqishlar bo'lsa-da, Fodening «Etihad»da qolishga qaror qilishi klubning barqarorligini ta'minlaydi.

Filning «Manchester Siti» libosidagi faoliyati ko'plab sovrinlar bilan boyigan. U jamoa bilan birgalikda Chempionlar ligasi va ko'plab Premer-liga chempionligini qo'lga kiritdi. Endilikda u klub tarixidagi eng sermahsul va unvonli futbolchilardan biriga aylanish imkoniyatiga ega.