Mbappe Desham taktikasidan norozi

Fransiya terma jamoasi JCh yarim finalida Ispaniyaga 0:2 hisobida imkoniyatni boy bergach, jamoa ichidagi muhit jiddiy muhokamalarga sabab bo'lmoqda. Uchrashuvdan so'ng Kilian Mbappe jurnalistlar bilan suhbatda jamoaning o'yini o'ta tartibsiz bo'lganini ta'kidladi va bevosita bosh murabbiy Didye Deshamning taktikasiga shubha bildirdi.

Mbappening so'zlariga ko'ra, fransuzlar maydonda yetarlicha intizom ko'rsata olishmadi va raqib bosimiga qarshi to'g'ri reja tanlanmadi. U jamoaning «loqayd» va «tartibsiz» harakatlarini mag'lubiyatning asosiy sababi sifatida ko'rsatdi. Bu tanqidlar jamoa sardori va murabbiy o'rtasidagi sovuq munosabatlarni ochiq namoyish etdi.

Didye Desham esa o'z o'rnida tanqidlar ko'lamini yumshatishga harakat qildi, ammo natija yomon bo'lgani aniq. Fransiya uchun bu turnir yakuni kutilganidan ancha erta va og'riqli yakunlandi.

Endilikda Fransiya futbol federatsiyasi va jamoa rahbariyati oldida jiddiy savollar turibdi. Taktik o'zgarishlar va murabbiylar shtabidagi o'zgarishlar kelgusida qanchalik zarurligi haqidagi bahslar hozirdanoq boshlanib ketdi.