Messi 2026-yilgi mundialda "Oltin to'p"ga asosiy da'vogar

Jahon futboli afsonasi Lionel Messi faoliyatini yakunlash arafasida bo'lishiga qaramay, hali ham katta turnirlarning asosiy qahramoni bo'lib qolmoqda. Polymarket prognoz platformasi ma'lumotlariga ko'ra, 2026-yilgi Jahon chempionatida "Oltin to'p"ni qo'lga kiritish bo'yicha Messi mutlaq favorit hisoblanadi. Uning bu shaxsiy sovrinni yutish ehtimoli 88 foiz deb baholanmoqda.

Ko'pgina tahlilchilar va muxlislar Argentina termasining oxirgi o'yinlaridagi barqaror o'yini va jamoa sardorining maydondagi ta'sirini yuqori baholashmoqda. Ayniqsa, jamoaning yirik g'alabalari fonida Messining shaxsiy statistikasi va o'yinni boshqarish qobiliyati barcha kutganidan ham yuqori natijalar qayd etmoqda.

Albatta, 2026-yilgi turnir Lionel Messi uchun faoliyatidagi so'nggi yirik xalqaro musobaqa bo'lishi mumkin. Uning mundialda yana bir bor eng yaxshi o'yinchi deb topilishi futbol tarixidagi eng buyuk natijalardan biri sifatida qayd etiladi. Hozirgi ko'rsatkichlar esa aynan shu ssenariy amalga oshishi ehtimolini tasdiqlab turibdi.

Biroq futbol kutilmagan hodisalarga boy sport turi ekanini unutmaslik kerak. Raqobatchilar ham tinib o'tirishmayapti, biroq Messi ko'rsatayotgan saviya barchani hayratda qoldirishda davom etmoqda. Muxlislar esa futbol qirolining navbatdagi mundialda qanday sehrli o'yin ko'rsatishini intizorlik bilan kutishmoqda.